Rrno vetem per me tregue volumi 1-3

Ndër botimet ma të çmueshme që nuk na len të harrojmë të keqen që shkaktoi komunizmi në Shqipni, asht vepra monumentale "Rrno vetëm për me tregue" e P. Zef Pllumit. Rrno vetëm për me tregue paraqet vuejtjen e P. Zef Pllumit, kalvarin e Kishës Katolike, mundimet e françeskanëve dhe të krejt popullit shqiptar.I rritun dhe i edukuem në kolegjin françeskan me disiplinë asketike dhe me vorfninë tipike të bijve të Shën Françeskut, P. Zefi, njeri pendese dhe shprese e përballoi me dinjitet kalvarin e burgut komunist.Ishte nji forcë hyjnore që i vinte prej besimit dhe dinjitetit të tij meshtarak, e cila e ndihmonte dhe e mbronte në rasa të vështira që i takoi me kalue nëpër burgjet e ndryshme të Shqipnisë. Sakrifica, flija dhe dashtënia për njeriun, virtyte këto të Krishtit, e banë Fratin e Kujtimeve të përballojë me guxim çdo fyemje, torturë, vuejtje dhe të përballonte me shpresë deri edhe dënimet me vdekje.http://www.shtepiaelibrit.com/store/s...