Paghahanap Sa Mutya (Spiral Gang, #2)

“Isang buong circle ang oras at panahon. Kaunting desisyon, maliit na gawa, lahat `yan ay malaki ang epekto sa takbo ng buhay natin.” Malapit na naman ang anniversary ng trahedyang nangyari sa pamilya nina Danny seven years ago. Isang pangyayari na hanggang ngayon ay nababalot pa rin ng misteryo. Kaya nang minsang mapadpad siya sa isang mahiwagang tindahan na nagbebenta ng “jar of memories,” nakapagdesisyon si Danny na alamin ang tunay na nangyari sa nakaraan. Hindi nga lang pera ang kapalit ng garapon kundi ang makapangyarihang bato na tinatawag na mutya. Sa tulong ng mga kaibigan niya sa Literature Club, humarap sila sa maraming pagsubok para lang makuha ang mutya na ipapalit niya para makuha ang jar of memories. Pero handa nga ba si Danny sa madidiskubre niya sa nakaraan? Paano kung imbes na makabuti ay lalo lang makasama kapag nalaman nila ang katotohanan?