Draumur um veruleika - Íslenskar sögur um og eftir konur

„Íslensk bókmenntasaga, og þá einkum sú skráða og viðurkennda, er fátæk að konum. Kvenrithöfunda er þar að litlu sem engu getið, og bókmenntaverk sem fjalla um líf og reynslu kvenna eru fá og auk þess lítils metin... Erindi þessa safns má segjast vera tvíþætt. Því er ætlað að vekja athygli á því að til eru íslenskir kvenrithöfundar, þótt ekki fari mikið fyrir þeim í bókenntasögum eða á öðrum opinberum vettvangi. Jafnframt á það að geta veitt nokkra innsýn í hugarheim kvenna, viðhorf þeirra og vitund á hverjum tíma. Sögurnar spanna yfir rétta öld í sögu íslenskra kvennrithöfunda... Elsta sagan í þessu safni er frá árunum um eða eftir 1880, en yngstu sögurnar eru frá því ári sem nú er að líða, og eru þær allar nema ein samdar sérstaklega fyrir þessa útgáfu." (úr formála útgefanda)Meðal höfunda eru margir fremstu höfundar íslenskir. Hér birtist glæsilegt sýnishorn bókmennta eftir konur og vönduð umfjöllun um þennan vanrækta þátt íslenskrar bókmenntasögu.Höfundar: Vilborg Dagbjartsdóttir, Torfhildur Þorsteinsdóttir Holm, Ólöf Sigurðardóttir frá Hlöðum, Theodora Thoroddsen, Ingunn Jónsdóttir frá Kornsá, Kristín Sigfúsdóttir, Hulda, Ragnheiður Jónsdóttir, Elinborg Lárusdóttir, Þórunn Elfa Magnúsdóttir, Halldóra B. Björnsson, Oddný Guðmundsdóttir, Ásta Sigurðardóttir, Gréta Vigfúsdóttir, Steinunn Eyjólfsdóttir, Drífa Viðar, Unnur Eiríksdóttir, Svava Jakobsdóttir, Jakobína Sigurðardóttir, Líney Jóhannesdóttir, Nína Björk Árnadóttir, Valdís Óskarsdóttir og Magnea J. Matthíasdóttir.Bókinni fylgir einnig rækileg ritgerð eftir Helgu Kress,Um konur og bókmenntir